Sot, më 22 mars, komuniteti bektashi në Shqipëri feston Ditën e Nevruzit, një festë që simbolizon jetën, rilindjen dhe triumfin e dritës mbi errësirën. Ndërkombëtarisht, kjo ditë njihet nga OKB-ja si Dita Ndërkombëtare e Nevruzit dhe ka rrënjë mbi 3000-vjeçare, që nga epoka e Zoroastrianizmit.
Në këtë ditë, besimtarët zhvillojnë rite fetare, shkëmbejnë vizita dhe dhurata, ndërsa tryezat festojnë me ushqime tradicionale si byreku me monedhë, jeshillëqet, mishi i pjekur dhe sultjashi, një ëmbëlsirë simbolike që përfaqëson bollëkun dhe begatinë. Nevruzi përkon me ekuinoksin pranveror, duke shënuar një fillim të ri dhe ardhjen e stinës së gjelbërimit.
