Ashtu sikurse Iconstyle ju tregoi ditën e djeshme, ish-banorja e Big Brother, Arsida Çerpaj, e paralajmëroi G Banin për një padi pas ofendimeve që ia kishte bërë javë më parë. Ajo i kërkoi që të bëjë falje publike e të tërhiqet nga gara, në mënyrë që mos ta bëjë kallëzimin. Në Prime, G Bani i kërkoi falje, por i tha se nuk do tërhiqej nga gara.
Mirëpo, sot Arsida ka vendosur të tërheqë kallëzimin. E për këtë të fundit, nëna e G Banit ka reaguar e shqetësuar, duke dërguar një mesazh me audio në studion e ‘Fan Club’.
Reagimi i plotë:
“Përshëndetje, ju përgëzoj për emisionin. E dëgjova Primen mbrëmë, Arbani I kërkoi falje Arsidës për atë që kishte ndodhur. Tani që të fillojmë të themi pse e bëri Arbani pse e bëri Arsida.
Të gjithë e dimë që në atë lojë ka thyerje nervash edhe iu duken gjërat më të vështira ngaqë janë në të vërtetë. Nuk jam dakord të ofendohet një nënë një zonjë fare dhe besoj që Arbani me sinqeritetin më të madh i kërkoi falje Arsidës.
Arbani është sinqerisht i sinqertë në të gjithë lojën. Ai shpërthen kur i bëhet padrejtësisht, por Arbani është një nga lojtarët që jep shumë dashuri në atë shtëpi”.
