Lady Gaga u nda nga i fejuari i saj Taylor Kinney në korrik, duke shkruar në “Instagram” se të dy dëshironin të kishin njjë pushim. Por që nga momenti i ndarjes së tyre shumë spekulime kanë qarkulluar rreth ndarjes mes këngëtares dhe aktorit.
Fansat menduan se me publikimin e albumit të ri “Joanne” mund të kuptonin diçka por pavarësisht se u aludua për miliona arsye, Lady Gaga zgjodhi te mos reagonte.
Por në një intervistë të dhënë së fundmi, duket se Gaga ka zbuluar më në fund se cila ishte arsyeja që marrëdhënia e tyre 5-vjecare mori fund.
“Mendoj që femrat dashurojnë shumë. Ne i duam meshkujt. Ne i duam me gjithçka që kemi. Dhe ndonjëherë nuk e kuptojmë që ajo dashuri lidhet me tipin e dinjitetit që ne do dëshironim të lidhej”, u shpreh Gaga te “Sunday Morning”.
Gjatë intervistës këngëtarja tha gjithashtu se ajo nuk po përpiqet të ofendojë gjininë e partnerit të saj, por ajo dëshiron të dashurohet aq fort sa ajo vetë dashuron.
Burimi: Elle
