Sot bëhet plot dy vjet që kur Dr. Flori u nda nga jeta. Miku i tij më i ngushtë, Landi, me të cilin ka qenë në një grup “West Side Family”, e ka kujtuar Florin përmes një dedikimi shumë prekës në profilin e tij në Instagram.
Sa herë është afër 17 nëntori, është e pamundur që miq si Landi, Aurela Gaçe apo Ermal Mamaqi të mos e kujtojnë apo vizitojnë familjen e tij.
Dje në mbrëmje, Landi Hysi, miku i tij i ngushtë, kujtoi një dialog nga filmi “Përrallë nga e kaluara”, duke shprehur edhe njëherë dhimbjen dhe mallin për mikun e tij:
Nesër do bëhen dy vjet nga ikja jote dhe unë sërish do mendoj: “Shpeshherë, kur më vjen ndër mend Dr. Flori, më vjen në mend një dialog nga Filmi “Përrallë nga e kaluara”:
– Do jetojë baba Sotiri.
– Maskarai!
– Maliqi.
– Edepsëzi!
– Kotja.
– Shtriga!
– Tana
– …
– Gjinua
– …
– Do dali Dielli. Do këndojnë zogjtë.
– Ja këndoi. Pse të vdes pa faj?! Ku ta gjej të drejtën?! … “
RIP DR FLORI
