Për personat që punojnë në zyrë, është e vështirë të gjesh çdo ditë kohën për të lëvizur. Por për të qëndruar në formë, për të humbur peshë dhe për të patur një lëkurë të shëndetshme, ju nevojiten disa strategji të përditshme. Më poshtë mund të mësoni disa prej tyre:
Para se të dilni
Shfrytëzoni momentin e mëngjesit për të përgatitur një çaj lulesh për ta marrë me vete. Për të luftuar dehidratimin është e rëndësishme të pini shumë gjatë orëve të para të ditës, dhe gradualisht duke e reduktuar.
Disi i uritur
Kujdes me kafen në mes të mëngjesit, shton rrezikun e dhimbjes së stomakut dhe të shton urinë. Më mirë të merrni një frut dhe të shtoni disa fruta të thata apo ndonjë kraker.
Dreka me vete
Si të hani në drekë? Ushqime të shpejta në bar, paninet dhe snack të makinetave të mërzisin dhe nuk janë të shëndetshme. Për darkë gatuani një porcion më shumë për ta marrë me vete në punë. Drithëra integrale, apo edhe perime janë thjesht të shijshme.
Në tavolinën e punës
Mbani gjithmonë një shishe ujë, thjesht duke e parë të kujton që të pish. Uji të dezintoksikon dhe të ndihmon të luftosh dhimbjen e kokës që i zë shpesh ata që punojnë në vende të mbyllura dhe super të ngrohta.
Abdominal perfekt
Nëse punon nga shtëpia, apo nga zyra, uluni për një orë në një top të madh palestre. E ke provuar ndonjëherë? Shtylla kurrizore relaksohet dhe abdominalet do të fitojnë tonifikim. Një mënyrë për tu ndjerë aktiv çdo ditë.
Stop!
Kur stresoheni djegim shumë kalori, por… trupi njerëzor nuk është bërë për të krijuar situata stresuese me afat të gjatë. Bëni pushime të vogla, mjaftojnë 2-3 minuta, që të qetësoheni, të reduktoni urinë nervoze, dhe të shtoni kreativitetin.
Shëndeti dhe bukuria
Mbani në sirtarin e zyrës pastën dhe furçën e dhëmbëve. E dini që nëse lani dhëmbët pas çdo vakti të ndihmon t’i rezistosh tentativës për të ngrënë prapë? Një gojë e pastër dhe me erë të mirë është mjaft e mirë për shëndetin, por dhe një gjest kujdesi dhe bukurie ndaj vetes.
Streçing në tavolinën e punës
Çoni gjurin tuaj drejt gjoksit. Kontraktoni abdominalet tuaja. Rrotullojeni qafën me lehtësi. Ngrihuni dhe bëni ecje duke kontraktuar të pasmet. Kështu që përdoreni pushimin e radhës për të bërë streçing dhe jo për të pirë kafen e zakonshme. Është një ide e mirë.
Çfarë urie!
Gjatë pasdites ju hahet më shumë? Zëvendësojeni snack me një vakt të fuqishëm ushqimi, drithëra shtëpie, çokollatë e zezë dhe fruta të thatë, sigurisht pa e ekzagjeruar, apo edhe një tas me kos. Një pasdite e shijshme dhe e shëndetshme.
Çfarë të evitoni
Thuajini jo një tosti para kompjuterit. Evitoni dhe një superdrektë, nga e para deri tek ëmbëlsira. Ai që punon ulur ka nevojë për lehtësi, zgjidh ushqime të thjeshta dhe natyrale, do t’ju ndriçojnë mendjen dhe do keni humor të mirë
