Dukesha e Kembrixhit dhe Kendall Jenner janë dy nga femrat më me stil në botë. Po çfarë kanë tjetër ato të përbashkët? Këtë javë, të dyja veshën paraqitje që duket se janë frymëzuar nga Paris Hilton.
Natën e kaluar Kate Middleton mori pjesë në premierën e “A Street Cat Named Bob”. Ajo veshi një fustan të bukur të bardhë nga Self Portrait me një të çarë dhe me pjesë të dukshme. Ky fustan ishte identik si ai i Paris Hilton, që veshi në mbrëmjen gala të “amfAR” në Los Angeles, javën e kaluar.
Dukesha nuk është e vetmja nga të famshmet që u dallua me një paraqitje të frymëzuar nga Hilton. Kendall Jenner u shfaq në festën e ditëlindjes së 21-të të saj në Los Angeles, e veshur me një fustan super të shkëlqyeshëm, identik me atë që Hilton veshi në ditëlindjen e 21-të të saj në vitin 2002.
Ndërsa zgjedhja e modeles nuk ishte rastësore, duket se Dukesha nuk ishte në dijeni se kush e kishte veshur më parë fustanin.
Burimi: Harper’s Bazaar
