Sot në emisionin “Live from Tirana” ishte i ftuar stilisti i njohur Niko Komani ku foli më tepër rreth lojës së banorëve në shtëpinë e “BBV3”. Ai u pyet mbi banorin të cilin priste se do të largohej mbrëmë dhe përgjigjet:
Unë prisja Gabrielen sepse nuk është se po krijon diçka. Ervini ka qenë më aktiv ditët e fundit. Mendoj që Ervini mund të ishte lojtar i fortë nëse do të hynte pak më vonë. Në këtë edicion nuk po shoh asnjë aleancë, secili është lider i grupit pa pasur asnjë grup, nuk pranojnë të bashkohen.
Niko u pyet po ashtu në lidhje me raportet dashurore në shtëpi. Ja si i komenton ai situatat kaotike të banorëve brenda shtëpisë:
Unë nuk do të krijoja lidhje. Unë si Niko e mbaj jetën time shumë private, nuk postoj asgjë në rrjetet sociale, imagjinoni në “BBV” që jo e jo. Lidhjet dashurore aty të shfuqizojnë sepse dikush tjetër të merr energjitë. Në fund të ditës aty është një lojë dhe mua nuk më lëviz qerpiku nga asnjë ofendim. Është një show, banorët duhet të krijojnë situata. Nuk jam kundra çifteve por të këtij edicioni po nxitohen, po lidhen shumë shpejt.
Në diskutimet e shumta që u bënë dje gjatë Prime-t, lindi edhe një debat mes Rozës dhe Heidit, ku Roza i tha që njihet se merret me burra. Niko me sa duket e mbështet mendimin e Rozës.
Heidi u bë e famshme pikërisht nga ajo histori që krijoi brenda “Grande Fratello”-s, nga ajo e njohim të gjithë. Mu duk e drejtë ajo që i tha Roza, unë madje do i thoja edhe më shumë akoma. Nuk mendoj se duhet ta merrte aq personale, fundja Roza tha diçka faktive. Të njëjtin opinion kam patur edhe unë për Heidin. Roza më ka surprizuar, shumë e qetë dhe e përmbajtur. Ta mendosh që është natyrë impulsive, më pëlqen gjuha e saj e trupit.
