Ende nuk dihet kohëzgjatja e paraburgimit për tre policët e Kosovës që po mbahen peng, ndërsa Prokuroria e Lartë Publike në Kralevë iu shmang pyetjeve të REL-it se çfarë akuzash rëndojnë mbi ta.
Sipas Albin Kurtit, prokurori serb ka hedhur poshtë akuzat për terrorizëm kundër tre policëve të arrestuar, ndërsa ka mbajtur në fuqi vetëm akuzat për posedim të paligjshëm të armëve.
Tre policët, Rifat Zeka, Beqi Sefi dhe Mustafa Shemi do të vazhdojnë të mbahen peng, ndërkohë që nuk ka asnjë bazë reale ligjore për ndalimin e tyre!
Ky vendim i gjykatës tregon se Serbia po shkel Marrëveshjen e Brukselit. Sipas saj, Serbia e e trajton Policinë e Kosovës si forcë të armatosur legale.
Prandaj, nëse pjesëtari i asaj policie gjendet me armë në territorin e Serbisë pa i shkelur ligjet tjera, ai nuk mund të arrestohet, sepse statusi i tij për Serbinë është po aq i ligjshëm sa statusi i policisë së Republikës së Serbisë.
