Këngëtari i BTS, Jeon Jungkook, po i lutet njerëzve që ia kanë gjetur adresën e shtëpisë së tij, që të mos i dërgojnë më ushqime. Këngëtari shkoi në platformën e komunitetit të fansave ‘Weverse’ për t’u kërkuar njerëzve që të përmbahen dhe të mos t’i dërgojnë më ushqim, duke shtuar se nuk do të hajë asnjë nga ushqimet që i dërgohen.
“E kuptoj se gjesti ishte i këndshëm, por unë mund të kujdesem vetë për vaktet e mia, kështu që ju lutemi blini atë për veten tuaj”, ka shkruar 25 vjeçari.
“Të lutem. Nëse dërgon ushqim edhe një herë, do të kontrolloj numrin e porosisë së faturës dhe do të marr masa“, shtoi Jeon.
Kërkesa e tij erdhi pasi një raport i Koresë së Jugut në 2019 zbuloi detaje të adresës së shtëpisë së tij, sipas South China Morning Post. Raporti thoshte se ai kishte blerë një banesë në zonën Seongsu-dong të Seulit për më shumë se 1.4 milionë dollarë.
Fansat obsesivë të yjeve të K-Pop-it në Korenë e Jugut shpesh quhen “fans sasaeng”. Ata njihen se përdorin metoda ekstreme për të takuar idhujt e tyre, nga hyrja në shtëpitë e tyre deri te marrja me qira e makinave për t’i ndjekur.
Kjo nuk është hera e parë që Jeon kërkon që fansat ta lënë të qetë. Në fillim të këtij viti, ai u kërkoi fansave që të mos paraqiteshin në palestrën e tij.
