Ozzy Osbourne, ylli i muzikës rock i cili u bë i famshëm si vokalist i grupit Black Sabbath në vitet ’70 dhe që sot vuan nga Parkinsoni, është fotografuar jashtë banesës së tij, në Los Angeles.
Britaniku u pa në shoqërinë e kujdestares së tij duke shëtitur rreth lagjes, shumë i dobët fizikisht dhe me vështirësi në ruajtjen e ekuilibrit.
Ozzy dhe gruaja e tij Sharon kanë 25 vite që jetojnë në SHBA, por pritet që së shpejti të kthehen në Angli, pasi e kanë nxjerrë në shitje vilën e tyre për 18 milionë dollarë.
Këngëtari njoftoi në janar të vitit 2020 se vuante nga Parkinsoni. Ai ka anuluar të gjitha datat e koncerteve që kishte programuar për këtë vit.
