Shakira dhe fëmijët e saj kanë nisur tashmë jetën në Miami dhe, megjithëse Milan dhe Sasha janë kthyer në shkollën e tyre të re, ditët e fundit kanë nisur punimet në shtëpinë e dikurshme të këngëtares kolumbiane në Barcelonë. Dhe një nga lëvizjet që ka tërhequr më shumë vëmendjen në rezidencën e vendosur në Esplugas de Llobregat është pamja e një vinçi duke i hequr një pemë që këngëtarja kishte në kopshtin e saj, raporton ‘Marca‘.
A i mori Shakira pemët që kishte në Barcelonë në Miami?
Pas publikimit të imazheve, shumë kanë pyetur veten pse Shakira po e çon pemën në rezidencën e saj të re në Miami. Përgjigja duket se ka një vlerë sentimentale për të, pasi ajo e mbolli në vitin 2018 në Liban, vendlindja e gjyshes së saj nga babai. Pema është shumë e veçantë për të dhe ajo dëshiron ta marrë gjithmonë kudo që shkon.
Megjithatë, media e njohur ‘Hola!’ thekson se historia për pemën e këngëtares kolumbiane nuk është siç tregohet, pasi Europa Press konfirmoi se këto foto nuk janë aktuale, por janë bërë më 8 nëntor 2022, një ditë pasi u raportua se Shakira dhe Gerard Pique kishin arritur një marrëveshje për kujdestarinë e fëmijëve të tyre në mënyrë që këngëtarja t’i merrte ata e të jetonin në Miami.
