Evi Reçi është shkëputur prej kohësh nga skena e muzikës shqiptare, ku u prezantua 5 vite më parë me bashkëpunimin “Dhe jemi të dy”.
Pas disa përvojash si modele në Itali, ajo mori pjesë në disa festivale në Shqipëri, si “Kënga Magjike”, si edhe publikoi disa këngë.
Ndërkaq, vazhdonte studimet në degën “Komunikim, Media dhe Gazetari”, në Universitetin e Firences.
Ajo u diplomua në vitin 2012 dhe sot publikoi në “Facebook” pozicionin e ri të punës në redaksinë e një prej mediave më të njohura italiane, “La Reppublica”.
Gazeta italiane ka edhe portalin online, ndërsa është e shtrirë në disa qytete të Italisë, si Napoli, Palermo, Bologna, Milano, dhe Firence. Pikërisht në këtë të fundit ka nisur punën edhe Evi Reçi. Ne i urojmë suksese!
Burimi: Facebook
