Tërmeti tragjik në Turqi dhe Siri ka përfshirë padyshim të gjithë botën. Të shumta janë jetët e humbura, ku sot pas 1 jave raportohet për rreth 36.000 të vdekur.
Mirëpo ekipet e shpëtimit gjatë kësaj kohe kanë kanë shpëtuar nga rrënojat edhe shumë jetë njerëzish e sidomos fëmijë të vegjël.
Në rrjetet sociale tashmë prej ditësh po qarkullojnë histori të pabesueshme për të mbijetuarit e tërmetit.
Së fundmi mediat turke kanë publikuar një histori të pa dëgjuar më parë të një vajze 6-vjeçare, e cila pas shpëtimit tha se ishte ushqyer nga një burrë me mjekër të bardhë gjatë ditëve që ka qëndruar nën rrënoja.
Një gazetar turk e pyeti vajzën e vogël pasi u nxorr nga rrënojat nëse kishte pasur uri dhe ajo iu përgjigj se kishte ngrënë.
Madje, 6-vjeçarja është shprehur se burri mbante mbi shpinë shtëpinë që të mos e zinte poshtë.
Një histori në kufijtë e të pabesueshmes, por ajo që bie në sy është fakti se vajzës së vogël i janë bërë analizat dhe ka rezultuar se trupi i saj ka pasur proteinat e duhura.
Kujtojmë se një tërmet me magnitudë 7.8 ballë, me epiqendër rreth 26 kilometra nga qyteti Nurdagi dhe rreth 33 kilometra larg qytetit Gaziantep, goditi Turqinë juglindore dhe Sirinë veriore më datën 6 shkurt.
