Pothuajse një javë më parë reperi Getinjo vendosi papritur të ndërpresë me vullnetin e tij të plot garën e “Big Brother VIP Kosova”. Ai tha se ishte tepër i bindur se ky vendim ishte për të mirën e tij, pasi nuk ishte futur në “BBVK” për të fituar.
Gjatë rrugëtimit të tij në “BBVK” Getinjo krijoi një romancë me një tjetër banore, Vivien Thanon. Kjo e fundit është akoma pjesë e lojës.
Vivien e përjetoi me lot sigurisht vendimin e Getit për t’u larguar, pasi për një kohë derisa loja e saj të zgjasë do të qëndrojnë larg njëri-tjetrit.
Së fundmi Getinjo e ka “kujtuar” të dashurën e tij duke ndarë një foto teksa dukeshin të përqafuar me njëri-tjetrin, brenda ambjenteve të shtëpisë, gjatë kohës kur reperi ndodhej brenda.
Kujtojmë që Vivien i dërgon çdo ditë mesazhe nga ekrani, ndërsa Getinjo e ndjek me dashuri. Disa ditë më parë reperi vendosi t’i bëjë edhe diçka më shumë për t’i treguar se e ndjek dhe e mbështet, duke i dërguar një dron brenda shtëpisë.
“Të puth Geti shumë”- ishin fjalët e ëmbla në dron që e bënë Vivienin të shpërthejë në lot.
Kujtojmë që më herët Vivien Thano ka qenë pjesë e “Love Story-t.”
