Kiara i tha Luizit se në shtëpi mbase mund të futet dikush më i fortë se ai apo se Olta. Nga lojtarët që janë futur deri më tani, Luizi tha se nuk i llogarit fare dhe nëse futet ndonjë tjetër, që sipas Kiarës mund të jetë më i fortë se ai, nuk do ta ketë problem.
Në bisedën e tyre në “dhomën e bebes”, Luizi tha se ka pasiguri për marrëdhënien e krijuar mes tyre, por Kiara tha se ky raport do të shihet jashtë.
Sipas Kiarës, ndryshe nga Luizi apo të tjerët që duan të bëjnë lojë, ajo është më ndryshe, më e vërtetë dhe i mendon mirë disa gjëra. Duke ndenjur në dhomën e izolimit, Kiara i tha Luizit se është bërë i frikshëm, duke i përmendur edhe Tean.
Kiara: Ke marrë një pamje, je vërenjtur, je bërë i frikshëm. Të paska shqetësuar Tea.
Luizi: Tean e kam pasur që ditën e parë që kam hyrë këtu. E di atë shprehjen “qeni që nuk leh të ha?”
Kiara: Nuk e kam vënë re, tani që ma the ti do e shof.
Luizi: Unë dua vetëm të shkoj në 10-she. Po shkova deri aty e kam të fituar.
E pyetur nga Luizi se kë nga banorët sheh në finale, Kiara veçoi Oltën, Amosin dhe Kristin. Kjo e fundit tha se nuk e sheh veten si lojtare e fortë dhe i kërkoi Luizit të ndërrojë temë, pasi nuk ka dëshirë të flasë më shumë.
