Nisja e vitit të ri për Romir Zallën ka qenë e vështirë pasi pikërisht këtë 3 janar babai i tij i ndjerë do të festonte ditëlindjen.
Babai i aktorit u nda nga jeta vitin që lamë pas, ndërsa sot aktori e ka kujtuar me disa foto të bukura familjare, ku krahas ka lënë edhe një dedikim të ndjerë.
“Çdo dt 3 Janar, kudo që të ishim mblidheshim për ditëlindjen tënde. Kishe qejf ta pinim një gotë verë bashkë. Megjithatë thoshe se ti mbaje mend që nëna thoshte që të kishte lindur poshtë një peme qershie dhe duhej të kishte qenë në Qershor ajo ditë e bekuar. E ç’rëndësi ka. Ne do të kujtojmë çdo ditë. Unë do ta pi një gotë verë me ty sot. Më ka marrë malli shumë Bab”, shkruan ai krah fotove familjare.
View this post on Instagram
Më herët në një intervistë Romiri tregoi si e ka përjetuar humbjen e të atit.
“Unë nuk e kam kapërcyer akoma atë moment. Jam në momentin, periudhën që edhe e besoj edhe nuk e besoj. Jam tek ai momenti që ka çdo djalë për prindin. Nuk e kisha menduar as në ëndrrat e mia më të këqija momentin kur të ikën një prind, ky moment vjen dhe të gjen të papërgatiur. Unë vazhdoj të mos e pranoj. Unë rikthej momente nga jeta jonë qysh fëmi deri tani që flasim, dhe është pjesa kur njeriu ka një lloj brenge sepse nuk mund dot t’i plotësojë diçka ose t’i gjendet pranë në momente të caktuara”, u shpreh ai.
