Savage X Fenty u akuzua për shkelje të ligjit të Kalifornisë dhe regjistrimin automatik të klientëve në një program me tarifa të përsëritura.
Savage X Fenty, linja e të brendshmeve në pronësi të artistes pop Rihanna, do të paguajë 1.2 milionë dollarë për të zgjidhur një padi që pretendon se kompania e saj mashtron klientët.
Rihanna debutoi linjën e të brendshmeve në vitin 2018, duke ofruar një gamë të gjerë madhësish dhe duke promovuar pozitivitetin e trupit.
Sipas “The East Bay Times”, “Lavender Lingerie LLC”, Savage X Fenty, u akuzua nga qarqet Santa Clara, Santa Cruz, Los Angeles dhe San Diego, plus qytetin e Santa Monica, për shkelje të ligjit të Kalifornisë duke i regjistruar automatikisht klientët në një program “VIP” që kishte tarifa të përsëritura për kartën e kreditit.
“Konsumatorët kanë të drejtë të dinë paraprakisht se për çfarë paguajnë dhe sa shpesh, “tha Jennifer Deng, zëvendës prokurore e qarkut Santa Clara, sipasThe Times”.
“Bizneset kanë për detyrë të jenë transparente në lidhje me tarifat e tyre të rinovimit automatik.”
Padia pohoi se klientët gjithashtu u mashtruan duke besuar se kredia në dyqan e fituar përmes anëtarësimit në “VIP” mund të përdorej sipas dëshirës, por në realitet, klientët mund ta aplikonin atë vetëm për blerjet që tejkalonin vlerën e kredisë.
Zyra e Prokurorit të Qarkut Santa Clara tha se Savage X Fenty bashkëpunoi me hetimin e qeverisë së qarkut dhe modifikoi faqen e saj të internetit, sinjalizimet automatike të rinovimit, kreditimin e dyqaneve dhe metodat e reklamimit.
Përveç gjobës prej 1 milion dollarësh, Savage X Fenty do të paguajë 150,000 dollarë si kompensim për anëtarët e mëparshëm ose aktualë VIP në Kaliforni dhe 50,000 dollarë tarifa hetimore shtetërore.
Në faqen e internetit të markës, Rihanna mburret, “Savage X Fenty do të thotë të bësh rregullat e tua dhe të shprehësh disponimin, karakterin dhe stilin tënd për ty – jo për dikë tjetër”.
