Shakira vijon të jetë ende në qendër të vëmendjes. Mirëpo, njerëzit po pyesin nëse këngëtarja do të ishte e gatshme të kishte sërish fëmijë. Thuhet se disa vite më parë, ajo ka qenë në një klinikë fertiliteti kur ka qenë në një marrëdhënie me Pique.
El Nacional, në Katalonjë, ka sjellë në vëmendje një intervistë të Shakirës vite më parë, ku ajo ka qenë shtatzënë.
“Do të jetë një dhuratë për Milanin që të ketë një vëlla. Do të doja të kisha një vajzë një ditë, por do të shohim, nuk e dini kurrë se çfarë do të ndodhë. Për momentin jam e lumtur sepse i dua edhe fëmijët.” ka thënë ajo.
Mirëpo, ajo disa vite më parë , ka kërkuar që të mbesë shtatzënë.
“Para nja dy vitesh thuhej se Shakira do të kishte qenë në një klinikë fertiliteti për t’iu nënshtruar trajtimit. Ajo është mjaft e vjetër për t’u bërë nënë dhe nuk do të ishte një detyrë e lehtë. Këngëtarja ka marrë pjesë në disa raste, disa prej tyre në shoqërinë e Pique”, shkruajnë mediat.
Gerard Pique dhe Shakira dihet që i kanë dhënë fund marrëdhënies së tyre. Mirëpo thuhet se Pique e ka ende mendjen tek këngëtarja.
Madje, një burim ka treguar se edhe pse ai po fluturonte drejt Pragës, po shihte Instagram-in e Shakirës.
Por e gjitha nuk mbyllet këtu.
Mediat spanjolle theksojnë se partnerja e tij, Clara ka vënë re se Pique po kontrollonte profilin e ish-it dhe për këtë arsye, ka patur një përplasje dhe një debat mes tyre.
