Teksa kurioziteti i nisjes së edicionit të parë të “Big Brother Vip Kosova” është shuar, e gjithë vëmendja është drejtuar rreth personazheve të njohur Vip që do të bëhen pjesë e kësaj aventure.
Ndonëse një pjesë e madhe e shikon këtë reality-show si një mundësi të mirë në jetë, shumë të tjerë e kanë refuzuar. E listës së emrave që i kanë thënë “jo” ftesës së “BBV Kosova” i shtohet edhe ai i ish-miss Kosovës, Afërdita Paqarada.
“Telegrafi” bën me dije se Afërdita ka refuzuar të jetë pjesë, pasi për të në plan të parë janë angazhimet e saj profesionale dhe personale.
Sakaq kujtojmë që 5 DHJETOR-i – është data kur do të nisë reality-show i shumëpritur. Më herët gjatë ditës së sotme janë bërë publike edhe tre emrat e parë të cilët i kanë thënë “po” “Big Brother Vip Kosova.” Bëhet fjalë për Getinjo-n, aktoren Shota Baraliu dhe këngëtarin Art Abazi.
Tjetër informacion që dihet tashmë është edhe është se programi do të moderohet nga Alaudin Hamiti dhe Jonida Vokshi. Ndërkaq në poltronat e opinionistëve do të jenë Olti Curri dhe Tuna. Disa kohë më parë u konfirmua se ajo që e mbante peng këtë reality-shoë të fillonte ishte shtëpia, punimet e së cilës akoma nuk kishin përfunduar.
