Visjan Ukcenaj dhe Melisa janë dy konkurrentët e rinj të “Dance Albania”. Ata iu bashkuan sot kastit të konkursit të kërcimit. Visjani që me hyrjen e tij, menjëherë shkëmbeu disa batuta me Ermal Mamaqin.
Visjani: Prania jote me intimidon Ermal.
Ermali: Këtu e ke marrë seriozisht, jo si në ‘Klanifornia’.
Nga ana tjetër, pjesë e kastit është edhe Melisa, ish-konkurrente e Për’Puthen.
Edhe pse prej muajsh i kanë dhënë fund lidhjes së tyre, dy ish-konkurrentët e Për’puthen Andi Shehi dhe Melisa Lleshi, vijojnë të komentohen në rrjet. Së fundmi Andi ishte i ftuar në një intervistë për “Shqipëria Live”, dhe pyetjet rreth Melisës sigurisht që nuk munguan. Por me sa duket Andi e ka hedhur krejtësisht pas krahëve historinë me këngëtaren, dhe ka nisur një romancë të re.
Gjatë intervistës ai tregoi se tashmë e ka hequr mendjen nga ish-konkurrentja e Për’puthen dhe se është shumë i lumtur në jetën që po bën.
“Ndoshta nuk harrohet, por plumbi del me plumb”, u shpreh ai.
Ai deklaroi se është penduar që ka hyrë në Për’puthen, madje edhe se është lidhur me Melisën.
“Jam bërë pishman që në hyrjen tek Për’puthen e deri tek lidhja me Melisën. Nuk do të doja të ekzistonin nëse do ta ktheja kohën pas”, u shpreh Andi.
