Të tjera detaje kanë dalë në dritë lidhur me këngëtaren e njohur, Shakira. Ajo dhe Pique dihet që nuk po kalojnë një moment të mirë.
Madje, ata janë në gjyq për kujdestarinë e fëmijëve.
Fotografi Jordi Martin ka theksuar së fundmi se cmimet “Grammy” të Shakirës ndodhen ende në zyrat e Pique në selinë e Kosmos.
“Çmimet Grammy të Shakiras janë ende të ekspozuara atje dhe ai nuk ia ka kthyer ato”, tha ai.
Në zyrën e tij ndodhen 15 çmime të këngëtares.
Ndarja mes Shakirës dhe Gerard Piqué pas 12 vitesh lidhje, vazhdon të jetë temë bisede, pasi deri pak kohë më parë u përhap se futbollisti jo vetëm që e kishte tradhtuar këngëtaren, por se arsyeja për ndarjen e tyre ishte e reja spanjolle Clara Chia, e cila është zyrtarisht e dashura e re e lojtarit të Barcelonës.
Ka qenë paparaci spanjoll, Jordi Martin, ai që ka dhënë detajet se çfarë po ndodh me dramën familjare të të dy personazheve të famshëm.
“Jam i mbingarkuar dhe më duhet pak kohë”, i ka shkruar Pique Shakirës, i cili u përpoq të shpëtonte marrëdhënien e tyre.
“Mos u shqetëso, unë do të shkoj në Shtetet e Bashkuara për 17 ditë për të regjistruar”, i ka thënë ajo, pa e ditur që në realitet futbollisti kishte marrë tashmë një vendim.
