“Sad birds still sing”, edhe zogjtë e trishtuar këndojnë, kjo është shprehja që Fjoralba Ponari ka zgjedhur të përjetësojë në trupin e saj.
“Tatuazhi im i parë! Si për të përjetësuar në trupin tim, periudhën më sfilitëse shpirtërisht por njëkohësisht dhe më të guximshme që kam jetuar deri më sot. Gjurmën fizike ,kycur në lëkure, që do më shoqëroje e formësoje sa të kem frymë. Një kujtesë e vazhdueshme ndaj vetes, për ta dashur jetën e për ta jetuar atë me gjithë momentet e saj të errëta dhe të ndritshme”- u shpreh Fjoralba.
View this post on Instagram
Fjoralba ka kaluar një periudhë mjaft të vështirë pasi ka humbur nënën e saj pak muaj më parë nga një sëmundje e rëndë, por ajo e ka kaluar këtë periudhë të vështirë në privatësi me familjarët e saj.
Para pak kohësh një nga ndjekëset e saj e pyeti prezantuesen se si ka mundësi që ajo duket gjithnjë e qeshur dhe pa halle.
“Stress free ç’e pyet, por asnjëherë e dorëzuar! Po mirë mi, ja u qava dhe qurravita për hallet e mia, kush do m’i zgjidhë? Ti? Dhe poooo do buzëqesh sa të kem jetë, edhe në dhimbje, edhe në trishtim, edhe në sëmundje…fakti që me mua, ndryshe nga dikush tjetër më është dhënë mundësia për të jetuar, më jep forcë e kurajo që ta gjejë të bukurën dhe në gjërat më minimaliste e të pakuptimta të jetës për dikë tjetër”- u përgjigj Fjoralba në postimin e saj në Instastory.