Yll Limani dhe Ledri Vula do të sjellin bashkëpunimin e tyre të titulluar “Tonat”. Por kur do të publikohet kënga?
Vetë këngëtarët kanë bërë me dije se bashkëpunimi i tyre do të publikohet me datë 21 korrik në orën 18:00.
Po e prisni me padurim këngën?
Më herët, qarkulluan edhe pamje nga sheshxhirimi i klipit të dy këngëtarëve mjaft të suksesshëm.
Kujtojmë që Ylli solli dhe bashkëpunimin me Noizy-n që në fakt ka arritur të grumbullojë miliona klikime në kanalin e “Youtube”.
Më herët, Ylli në një intervistë, ka folur për jetën e tij personale dhe profesionale, por duke u ndalur dhe te pasiguritë e tij. Ai shtoi se ka pasiguri se si duket.
“Kam pasiguri. Kam pasiguri si dukem, kam pasur pasiguri duke u rritur.‘Body insecurities’, jo t’i kem krahët e gjerë, të kem ‘six pack’ (muskuj barku), të shkoj në palestër. Kur atë pasiguri e shndërron në motivacion për të qenë më i shëndetshëm, je më i shëndetshëm edhe mendërisht”, ka rrëfyer Ylli.
Së fundmi, Ylli është diskutuar shumë në rrjet edhe për buzët e tij. Madje, shumë ndjekës kanë dyshuar se ai mund të ketë bërë një ndërhyrje në buzë.
Ylli publikoi një video, ku nëpërmjet humorit ai shpjegoi se buzët i ka të vetat dhe nuk ka bërë asnjë ndërhyrje.
“Të miat janë, ju betohem,”- theksonte ai.