Flokëkuqja misterioze, e cila u fotografua pak ditë më parë me Johnny Depp, nuk është gjë tjetër veçse një mikeshë e tij.
Në fillim të kësaj jave, ylli i “Pirates of the Caribbean” ndezi thashetheme për një romancë të re pasi u fotografua me një flokëkuqe misterioze përpara performancës së tij në ‘Umbria Jazz Festival’ në Itali.
Megjithatë, një burim i afërt me situatën tha për “E! News” se gruaja është thjesht “një anëtare e stafit” në xhirimet e filmit të ardhshëm të aktorit, Jeanne du Barry . Burimi shtoi: “Ajo është mësuesja e tij e frëngjishtes dhe nuk ka asnjë lidhje romantike mes tyre”.
Depp, do të luajë rolin e Louis XV në film, i cili përqendrohet në jetën e Jeanne Bécu , zonjës së mbretit francez të shekullit të 18-të kur ai vdiq. Projekti, i planifikuar për vitin 2023, do të shënojë rikthimin e parë të aktorit në ekranin e madh në tre vjet.
Dalja e Depp me mësuesen e tij të frëngjishtes vjen pak më shumë se një muaj pas gjyqit për shpifje mes tij dhe ish-bashkëshortes së tij Amber Heard , i përfunduar në Virxhinia.
Në fillim, fansat mendonin se mund të kishte diçka me aktorit dhe avokates Camille Vasquez, por tashmë dyshimet kanë lindur edhe për këtë grua misterioze. Johnny, ndërkohë, duket mjaft i lumtur dhe i qetë ku po shijon sukseset e tij si dhe takimet e shumta me fansat.