Lufta publike mes këngëtares së njohur Shakira dhe mbrojtësit të Barcelonës, Gerard Pique, ka qenë kryefjala e mediave prej shumë javësh.
Marrëdhënia e tyre ka qenë gjithmonë temë e shumë diskutimeve që kur filluan të dilnin në vitin 2010. Gjërat kanë ndryshuar që nga ndarja e tyre që u duk se ishte shkaktuar nga një tradhti e Pique.
Tensioni është rritur gjatë javëve të fundit dhe tashmë fokusi është kthyer tek kujdestaria e dy fëmijëve të tyre.
Të dy ata kanë punësuar një ekip avokatësh për ta çuar tashmë çështjen e kujdestarisë drejt gjyqit, sipas “La Razon”. Pique ka kërkuar me shërbimet e një firme të specializuar avokatie dhe Shakira ka bërë të njëjtën gjë.
Dyshja kanë qenë të qartë se nuk duan të shkaktojnë probleme për fëmijët e tyre gjatë gjyqit, kështu që nuk duhet të kalojë shumë kohë që çështja të përfundojë.
Shakira ka shprehur dëshirën e saj për t’u transferuar në Miami dhe për të filluar një jetë të re. Ish-mbrojtësi i Manchester United dëshiron që fëmijët e tij të qëndrojnë në Barcelonë dhe të vazhdojnë shkollimin e tyre.
Sipas mediave, të dy do të duhet të vendosin nëse duan ta zgjidhin çështjen në mënyrë miqësore apo përmes procesit gjyqësor. Në rastin e fundit, “La Razon” raporton se do të duhej të ngrinin një padi për masat e kujdestarisë.
Shakira dhe Pique po përballen me atë që është ndoshta do të jetë “lufta” e fundit mes të dyve përpara se të mbyllin përfundimisht këtë çështje. Ndërkohë që të dy po heshtin për momentin.
