Johnny Depp ka vendosur të thyejë heshtjen dhe po përdor albumin e tij të fundit për të adresuar për fitoren e gjyqit të tij për shpifje kundër ish-bashkëshortes Amber Heard.
“Unë mendoj se keni thënë mjaft për një natë nënë,” këndon ai në këngën që bëri me kitaristin legjendar britanik Jeff Beck, i cili do të dalë të premten, raportoi “Sunday Times”.
Depp shkroi dy këngë në album, të titulluar “18”, me Beck, ish-kitaristin e Yardbirds. Meloditë duket se zbulojnë se si mund të jetë ndier Depp, gjatë kohës që ekspozoi jetën e trazuar bashkëshortore të çiftit para botës.
“Po të kisha një monedhë, nuk do të të arrinte në dorë”, thotë ai në një rresht të këngës.
Depp iu bashkua Beck në një sërë datash turneu në të gjithë Mbretërinë e Bashkuar në qershor. Albumi i tyre është emëruar për moshën rinore që dyshja thonë se ndjejnë sa herë që luajnë muzikë.
Jashtë karrierës së tij të aktrimit, Depp ka një histori të gjatë në muzikë. Së fundmi ai njoftoi se do të shkojë në turne verën e ardhshme me grupin e tij rock “Hollywood Vampires”, i cili përbëhet nga Depp, Joe Perry, Alice Cooper dhe Tommy Henriksen.
Depp shënoi një fitore muajin e kaluar kundër Heard, 36 vjeç, të cilin ai e paditi për shpifje pasi ajo shkroi një artikull duke pretenduar abuzime kundër një partneri të paidentifikuar.