Këngëtari Shawn Mendes do të shtyjë turneun e tij botëror. Ai ka bërë me dije se do të kujdeset për shëndetin e tij mendor.
Krijuesi 23-vjeçar i “Stitches” tha se ai “ka arritur në një pikë” që ka nevojë të qëndrojë larg vëmendjes.
Turneu i Mendes, i titulluar “Wonder: The world Tour”, filloi në Portland muajin e kaluar dhe do të zgjaste deri në gusht 2023.
“Më thyen zemrën kjo që duhet të them, por për fat të keq do të më duhet të shtyj tre javët e ardhshme të shfaqjeve në Uncasville, CT deri në njoftimin e mëtejshëm”, shkroi ai në një postim.
Këngëtari i “Treat You Better” pranoi se nuk e kishte të lehtë të kalonte kaq shumë kohë larg njerëzve të tij të dashur.
“Unë kam qenë në turne që kur isha 15 vjeç dhe për të qenë i sinqertë, ka qenë gjithmonë e vështirë të jesh në rrugë larg miqve dhe familjes,” shpjegoi ai.
Mendes tha se ai foli me ekipin e tij dhe profesionistët e shëndetit mendor, të cilët e këshilluan atë që të merrte kohë për t’u shëruar dhe për t’u kujdesur për veten para së gjithash.
Nuk është hera e parë që Mendes ndan problemet e tij të shëndetit mendor me fansat.
Në prill, ai ndau një mesazh të gjatë në Twitter duke thënë se shpesh e pyet veten “çfarë duhet të bëj me jetën time”.
Në një postim vijues, ai i siguroi fansat e tij se ishte mirë, duke postuar në Twitter: “Sinqerisht jam shumë mirë! Unë thjesht dua të komunikoj me ju djema në një mënyrë vërtet të sinqertë”.