James Corden e ka lavdëruar Princin Harry si një bashkëshort dhe baba të përkushtuar dhe ka zbuluar se fëmijët e tyre takohen së bashku.
Prezantuesi është bërë mik me Harry-n dhe gruan e tij Meghan Markle dhe jeton vetëm një orë e gjysmë larg nga rezidenca e madhe e çiftit në Montecito, Kaliforni. Duke folur për “The Sun”, James zbuloi se ai dhe gruaja Julia Carey kanë qenë për darkë me Dukën dhe Dukeshën e Sussex dhe fëmijët e tyre gjithashtu kalojnë kohë së bashku.
James dhe Julia janë prindër të fëmijëve Max, 11, Carey, shtatë, dhe Charlotte, katër, ndërsa Princi Harry dhe Meghan ndajnë Archie, tre, dhe Lilibet, 11 muajsh.
Harry më parë u shfaq si i ftuar në The Late Late Show menjëherë pasi u transferua në Los Angeles me Meghan. Duke shtuar se ai e njeh Harry-n më mirë se Meghan, James tha se e ka të vështirë të jetë ‘gjykues’ ndaj çiftit, duke iu referuar me sa duket vendimit të tyre për të dhënë dorëheqjen si anëtarë të lartë të familjes mbretërore dhe për t’u transferuar në SHBA.
Ai tha: “Kam një respekt të madh dhe admirim për Harry-n, dhe kushdo që ka qenë rreth tij dhe ka kaluar kohë me të do të ndihej saktësisht në të njëjtën mënyrë. Unë mendoj se ai është një bashkëshort dhe baba i përkushtuar dhe i dashur dhe mendoj se ajo që ata kanë bërë është jashtëzakonisht e guximshme dhe unë do të jem gjithmonë në anën tyre.”
Edhe pse ai do të largohet nga emisioni i tij “The Late Late Show” në vitin 2023, James tha se ai është gjithashtu një fans i madh i Princit William dhe Kate Middleton dhe do të donte t’i kishte ata si të ftuar.
