Cheslie Kryst ishte modelja që u kurorëzua Miss SHBA në vitin 2019 dhe këtë të diel, familja e saj ka bërë me dije lajmin e vdekjen së saj tronditëse me anë të një deklarate.
Cheslie Kryst vdiq tragjikisht më 30 janar pasi u raportua se u hodh nga një ndërtesë 60-katëshe Orion në Neë York rreth orës 7:15 të mëngjesit. Ajo u gjet e vdekur në rrugë dhe më vonë u identifikua, sipas “The Neë York Post”, dhe familja e saj lëshoi një deklaratë përmes Agjencisë “LEPR” që njoftoi vdekjen e saj më vonë gjatë ditës.
“Në shkatërrim dhe pikëllim të madh, ne ndajmë lajmin vdekjen e Cheslie-t tonë të dashur”, thuhej në deklaratë. “Drita e saj e madhe ishte ajo që frymëzoi të tjerët në mbarë botën me bukurinë dhe forcën e saj. Ajo kujdesej, dashuronte, qeshte dhe shkëlqente. Cheslie mishëroi dashurinë dhe u shërbeu të tjerëve, qoftë përmes punës së saj si avokate që lufton për drejtësi sociale, si Miss USA dhe si mikpritëse në “EXTRA”. Por më e rëndësishmja, si vajzë, motër, shoqe, mentore dhe kolege – ne e dimë se ndikimi i saj do të vazhdojë.
Ndërsa ne reflektojmë për humbjen tonë, familja kërkon privatësi në këtë moment”, përfundon deklarata.
