Dj Dagz ishte një nga të eleminuarit e spektaklit të djeshëm bashkë me Xheisarën.
Ndryshe nga Xheisara e cila ndenji shumë pak, Dj Dagz shfaqi shumë anë të karakterit, e kryesisht djalin e dashuruar dhe të përkushtuar pas moderatores dhe gazetares Einxhel Shkira.
Kjo e fundit, para se ai të ikte i tha me plot gojë se e do shumë dhe banorët bashkë me një pjesë të studios brohoritën. Einxhel e ka pasur të vështirë t’i shfaq ndjenjat e saj, por kohët e fundit ajo e ‘lëshoi’ komplet veten te Dj Dagz. Sot në mëngjes ajo ishte ende duke qarë e duke e vuajtur ikjen e tij.
Po mesa duket nuk është vetëm Einxhel brenda shtëpisë që po ia ndien mungesën Dj Dagz, por dhe ky i fundit jashtë, ka bërë një postim dedikuar Einxhelit.
“That view” ,- ka shkruar Dj Dagz kur ka hedhur një screenshot të tij dhe të Einxhelit brenda shtëpisë.
View this post on Instagram
Einxhel sot gjithashtu ka shprehur se e do shumë dhe se i vinte keq se ai u largua në atë lloj mënyre.
Duket se ajo ka bashkuar ‘forcat’ me Ilirin dhe është bërë kundra çiftit Donald-Beatrix, nga të cilët ndihet shumë e zhgënjyer që nuk e shpëtuan Arbrin në zinxhirin e nominimeve.
