Shumë aspekte shkaktojnë ende shqetësime në botën e sportit për femra: pabarazia sa u përket pagave dhe strukturave, kushtet e punës jo në nivelin e duhur, pak mbulim mediatik dhe madje, edhe abuzime.
E megjithatë, pavarësisht gjithë këtyre problemeve, ka një optimizëm të pamohueshëm. Ligat po shohin pronarë të rinj dhe skuadra të reja. Transmetimet televizive po rriten dhe rrjetet po u japin gjithnjë e më shumë hapësirë transmetimit të ndeshjeve. Ndër të tjera, më së fundi, buxhetet ekonomike të sponsorëve po rriten dhe startup-et po tërheqin investitorë të ndryshëm.
Kjo rritje po shihet edhe në pagat e atleteve. Në fakt, nuk është e rastësishme nëse në vitin 2021, dhjetë atletet më të paguara në botë, fituan në total 167 milionë dollarë bruto, sipas vlerësimeve të Forbes, në rritje me 23% krahasuar me vitin 2020, dhe një kërcim me 16% krahasuar me rekordin e mëparshëm prej 143.3 milionë dollarësh në vitin 2013. Në krye të klasifikimit është ylli i tenisit, Naomi Osaka, e cila ka fituar 57.3 milionë dollarë. Në vend të dytë, Serena Williams, me 45.9 milionë dollarë.
Megjithatë, duhet theksuar se tabloja nuk është tërësisht pozitive. Në fakt, vetëm Naomi Osaka dhe Serena Williams tërhoqën pas vetes të gjithë rritjen e pagave. Asnjë atlete tjetër në klasifikim nuk bën pjesë në klasifikimin e përgjithshëm të Forbes të futbollistëve më të paguar në botë në vitin 2021 (që llogarit 12 muajt që përfundojnë në maj).
Edhe pse Naomi Osaka renditet e 12-ta dhe Serena Williams e 28-ta, në të njëjtën kohë, atletja e tretë më e paguar në botë, Venus Willimas mbetet jashtë klasifikimit të përgjithshëm të 50 futbollistëve që fitojnë më shumë se 20 milionë dollarë.
Pragu për t’u bërë pjesë e top 10 në renditjen e sportisteve më të paguara në botë ka rënë paksa në krahasim me 10 vite më parë: 5.7 milionë dollarë, krahasuar me 6.1 milionë dollarë në vitin 2012.
Megjithatë, ekspertët e fushës këmbëngulin në faktin se investimet dhe sponsorët në botën e sportit për femra po rriten. Vetëm se, tani, shifrat ndahen mes më shumë sportisteve dhe më shumë sporteve.
Për shembull, për herë të parë në të paktën 12 vjet, një gjimnaste, Simone Biles (në vend të katërt, me fitime 10.1 milionë dollarë) dhe një basketbolliste Candace Parker (në vend të dhjetë, me fitime 5.7 milionë dollarë) rezultojnë ndër atletet më të paguara.
Edhe pse tenisi përfaqëson ende sportin që siguron më shumë të ardhura, me pesë pozicione nga dhjetë, shënon një rekord negative – bëhet fjalë për përqindjen më të ulët në dhjetë vjet. Në vitin 2019, për shembull, zinte të dhjeta pozicionet.
Është mjaft inkurajuese që Candace Parker dhe yjet e futbollit amerikan Alex Morgan dhe Megan Rapinoe, kanë arritur të hyjnë në top 10, pasi janë nga sporte skuadrash, ku pagat janë ende të ulëta krahasuar me shpërblimet për sportet individuale.
“Tani është shumë ndryshe” – thotë legjenda e futbollit Carli Lloyd (u tërhoq para pak kohësh), e cila iu bashkua ekipit kombëtar të Shteteve të Bashkuara në 2005-n dhe bën pjesë në atë grup grash që kanë luftuar për të siguruar baza të ndryshme të rëndësishme.
“Pavarësisht nëse është një postim [në mediat sociale] që lejon lojtarët të paguhen ose marrëveshje të reja sponsorizimi, me siguri janë hapësira të mira në dispozicion. Dhe padyshim kjo ka ndodhur falë të gjithë atyre ish-lojtarëve që kanë luftuar më parë”.
10 atletet më të paguara në botë (Të ardhura para taksave)
Naomi Osaka – Tenis
Të ardhurat totale: 57,3 milionë dollarë
Në fushë: 2,3 milionë dollarë
Jashtë fushe: 55 milionë dollarë
Serena Williams – Tenis
Të ardhurat totale: 45,9 milionë dollarë
Në fushë: 0,9 milionë dollarë
Jashtë fushe: 45 milionë dollarë
Venus Williams – Tenis
Të ardhurat totale: 11,3 milionë dollarë
Në fushë: 0,3 milionë dollarë
Jashtë fushe: 11 milionë dollarë
Simone Biles – Gjimnastikë
Të ardhurat totale: 10,1 milionë dollarë
Në fushë: 0,1 milionë dollarë
Jashtë fushe: 10 milionë dollarë
Garbiñe Muguruza – Tenis
Të ardhurat totale: 8,8 milionë dollarë
Në fushë: 2,8 milionë dollarë
Jashtë fushe: 6 milionë dollarë
Jin Young Ko – Golf
Të ardhurat totale: 7,5 milionë dollarë
Në fushë: 3,5 milionë dollarë
Jashtë fushe: 4 milionë dollarë
PV Sindhu – Badminton
Të ardhurat totale: 7,2 milionë dollarë
Në fushë: 0,2 milionë dollarë
Jashtë fushe: 7 milionë dollarë
Ashleigh Barty – Tenis
Të ardhurat totale: 6,9 milionë dollarë
Në fushë: 3,9 milionë dollarë
Jashtë fushe: 3 milionë dollarë
Nelly Korda – Golf
Të ardhurat totale: 5,9 milionë dollarë
Në fushë: 2,4 milionë dollarë
Jashtë fushe: 3,5 milionë dollarë
Candace Parker – Basketboll
Të ardhurat totale: 5,7 milionë dollarë
Në fushë: 0,2 milionë dollarë
Jashtë fushe: 5,5 milionë dollarë
/Forbes
