Personazhet që ishin pjesë e edicionit të shkuar të “Për’puthen” arritën të angazhoheshin shumë shpejt në botën e televizionit. Pjesa më e madhe e tyre morën nga një pozicion me rëndësi në emisionet më të ndjekura në televizionet shqiptare.
Mes tyre ishte dhe Antonela Berisha, që ju besua një rubrikë në emisionin sportiv “Top Arena”., që transmetohet në “Top Channel”. Edhe pse nuk arriti të gjente dashurinë në ekran, ajo fitoi një mundësi shumë të madhe për t’u bërë pjesë e televizionit si moderatore, diçka që e ëndërrojnë shumë vajza. Për disa javë, Antonela zhvilloi intervista të shumta me të ftuarit në studio përkrah Edi Manushit dhe Alesia Bamit.
Pas kampionatit europian, emisioni u ndërpre dhe do të rikthehet në shtator jo si “Top Arena”, por si “Procesi Sportiv”. Mirëpo në promon e publikuar së fundmi është vënë re se Antonela nuk është më pjesë e programit.
Ajo nuk shfaqet në promo dhe kështu kuptohet se ajo nuk do të jetë më pjesë e stafit të programit. Megjithatë nuk dihet nëse aventura televizive ka përfunduar me kaq për të, sepse mundet që ajo të vijë me ndonjë format tjetër.
View this post on Instagram
Sa i përket personazheve të tjerë të “Për’puthen” është mësuar se Tea do të jetë pjesë e një emisioni të ri që do të nisë së shpejti në “Top Channel”. Ajo do të prezantojë së bashku me Fatma Haxhialiun, Olesia Lecon dhe Krista Merkocin emisionin “Goca dhe Gra” që do të transmetohet gjatë sezonit të ri.
