Një superjaht i ndërtuar për miliarderin rus Andrey Melnichenko, hyri në Londër përmes urës Tower Bridge, e cila u hap për herë të parë pas 120 vjetësh.
Jahti që kushton 225 milonë paund është 120 metra i gjatë dhe një ndër 25 jahtet më të mëdhenj në botë.
Pronari i këtij jahti është ndër njerëzit më të pasur në Rusi dhe në botë, e natyrisht që mund t’ia lejojë vetes një mjet lundrimi të tillë. Manjati rus Andrey Melnichenko ka shëtitur me jahtin e tij në Tamiz, lumin që përshkon Londrën.
Jahti, i cili ka 3 pishina, kërkon akses përmes gjurmëve të gishtërinjve, ka dritare të lakuara panoramike dhe një krevat me përmasa mbretërore i cili mund të rrotullohet duke shtypur një buton argjendi. Ai ka një ekuipazh prej 42 personash dhe mund të akomodojë 14 të ftuar.
Përveç biznesmenit rus, 44-vjeçar, me këtë superjaht ka lundruar edhe bashkëshortja e tij 39-vjeçare, Aleksandra, e cila është një ish-modele serbe.
*Shfleto galerinë
