Një nga ish-të dashurat e Michael Jackson do të zbulojë një libër lidhur me marrëdhënien e çiftit. Shana Mangatal ishte femra për të cilën nuk u fol kurrë se ishte pjesë e jetës së Jackson.
Por kësaj dashurie të mbetur në heshtje duket se Shana ka vendosur t’i japë zë. Ajo ka nisur të shkruajë një libër mbi Michael që në vitin 1998, libër të cilin e ruajti për dy dekada me radhë.
Sot Mangatal e quan këtë libër “Michael&Me” ku tregon historinë e njohjes dhe romancës së tyre të patreguar. “Ai ishte shumë flirtues, gjithmonë flirtonte me mua. Ai mund ta shndërronte çdo lloj bisede në diçka flirtuese. Që nga dita kur e kam takuar në një festë pas koncertit të tij në New York, ai po flirtonte me mua , që nga momenti që e kam takuar”, ka shkruar Shana.
Më tej ajo shtoi se, “Ai nuk ishte aseksual! Ai ishte normal!”. Ajo zbulon se arsyeja e përfundimit të marrëdhënies së tyre, ishte sepse ai u martua.
“Ai ishte shumë i respektueshëm për martesën e tij. Ne u afruam shumë gjatë skandalit të 1993-shit dhe ai u martua me Lisa Marie, kështu që gjërat u ndërprenë deri gjatë divorcit”, thotë Shana.
Ajo tregon se ka mbajtur ditare gjatë kohës që ishin bashkë dhe tani do që publiku ta shikojë Michael ashtu siç e pa ajo.
Burimi: Mirror
