“Vanity Fair” ka publikuar një fragment nga libri me kujtime i Sharon Stone, “The Beauty of Living Twice”, ku theksoheshin rrëfime tronditëse.
Në një nga incidentet e përshkruara nga Stone, një producent filmi, të cilit nuk ia ka përmendur emrin, i kërkoi asaj të bënte seks me një koleg gjatë xhirimeve të filmit në mënyrë që të përmirësonte kiminë e tyre në ekran.
“Mendova se ata thjesht mund të kishin punësuar një aktor të talentuar, dikë që mund ta arrinte një skenë dhe të mbante mend fjalët e tij. Doja të më linin jashtë kësaj. Puna ime ishte të aktroja dhe kështu u thashë,” -tregoi Stone.
Ajo gjithashtu tha se kjo nuk ishte hera e vetme që një producent i kishte thënë asaj të flinte me një koleg.
“Unë kam pasur producentë të tjerë në filma të tjerë që thjesht vijnë dhe të pyesin, ‘Pra, a do bësh seks me të, apo jo?… Ti e di që do të shkonte më mirë nëse e bën’,” -shkroi Stone.
Më herët gjatë një interviste, Sharon zbuloi emrin e aktorit të famshëm që puth më mirë.
Stone ka punuar me disa nga yjet më të mëdhenj në Hollywood gjatë karrierës së saj të gjatë, si Michael Douglas, Arnold Schwarzenegger dhe Sylvester Stallone, por mashkulli që ajo tha se puthte më e mirë, mund të jetë një surprizë për ju.
“Epo, Robert De Niro ishte puthja më e mirë”, tha Stone, duke iu përgjigjur një pyetjeje nga një fans.
