Britney Spears u rikthye në skenën e MTV VMA për herë të parë pas një dekade, për të performuar këngën e saj të re “Make Me…”, të dielën.
Nuk ka asnjë dyshim që diva e muzikës pop 34 vjeç ishte në formën e saj më të mirë gjatë kërcimit të fuqishëm për 4 minuta, por me interpretim në “playback”.
Ajo u ngjit në skenën e Madison Square Garden e veshur me një trupore të verdhë të ndritshme, e kombinuar me varësen dhe çizmet sipër gjurit. Fillimisht këngëtarja u shfaq si një siluetë mbrapa një ekrani të bardhë. Spears u shoqërua në skenë nga katër kërcimtare dhe reperi G-Eazy, që këndoi në disa versione të “Make Me…”.
Ndër të tjera 34-vjeçarja këndoi dhe një verision të ri të këngës së Bebe Rexhës, “Me, myself and I”. Në një moment gjatë koreografisë, Britney i vendos duart në pjesën e përparme të pantallonave të reperit, ndërsa në fund u përqafuan.
Këngëtarja u prezantua nga Kim Kardashian, e cila tha se ishte e fiksuar pas Britney Spears.
*Shfleto galerinë
Burimi: Daily Mail
