Vijon protesta e dytë në kryeqytet pas vrasjes së të riut Klodian Rasha, teksa policia ka ndërmarrë të gjitha masat për t’iu paraprirë çdo situatë të mundshme.
Protestuesit u mbledhën para Ministrisë së Brendshme dhe qëlluan me gurë efektivët e policisë dhe kanë shkulur pemë dekorative.
Në terren ditën e sotme të angazhuar në ruajtjen e sigurisë në protestë do të jenë 800 punonjës policie, ndërsa tubimi nisi nga Ministria e Brendshme. Mësohet se policët kanë marrë direktiva të qarta që të mos bien pre e provokimeve në protestë, ndërsa qytetarëve iu është bërë thirrje që të shmangun tubime të tilla, pasi është e ndaluar në këtë kohë pandemie.
Më pas një pjesë e protestuesve u largua nga Ministria e Brendshme dhe i është drejtuar Rrugës së Durrësit. Një grup protestuesish kanë marshuar drejt Ministrisë së Finacave dhe Ekonomisë. Siç shihet në foton e mëposhtme protestuesit kanë thyer dhe xhamat e dyerve të institucionit.
Sakaq, ata kanë duartrokitur në kor sapo kanë marrë vesh se Ministri Sandër Lleshaj ka dhënë dorëheqjen.
Ndërkohë, njëri prej qytetarëve është shprehur se nuk mjafton vetëm dorëheqja e tij por nga posti duhet të ikin dhe shumë të tjerë.
“Nuk duhet të largohet vetëm ai por të gjithë”- ka thënë ai.
Dy autobotë kanë nisur të shpërndarjen turmën e qytetarëve në zonën ku ndodhej Teatri Kombëtar.
Më herët pati tentativa për të shpërndarë turmën me sprai apo gaz lotsjellës, ndërsa qytetarët i janë përgjigjur policisë duke hedhur sende të forta ndaj tyre dhe ndaj institucioneve përgjatë Bulevardit.
