Rita Ora festoi 2 ditë më parë 30-vjetorin e lindjes dhe mes urimeve të shumta, ai më speciali ishte i nënës së saj, Verës. Ajo ndau një foto të vjetër të Ritës dhe përmes saj tregoi gjithë historinë e jetës së tyre. Vera rrëfeu se kur lëvizën drejt Mbretërisë së Bashkuar nuk kishin asgjë, përveç njëri-tjetrit si familje. Më pas ajo u shpreh se sot Rita është kthyer në një shembull perfekt për të gjitha vajzat se ëndrrat mund të bëhen realitet me shumë punë.
Ndërkohë edhe vetë Rita është bërë nostalgjike ditën e sotme dhe ka ndarë disa foto shumë të ëmbla nga faza të ndryshme të fëmijërisë. Në njërën prej fotove shihet se ajo sapo është ngritur në këmbë, ndërsa në disa të tjera shfaqet pranë motrës së saj më të madhe, Elena.
Rita ka ndarë një mesazh me shumë rëndësi me ndjekësit me rastin e publikimit të këtyre fotove.
“Mendoj se gjithmonë kam qenë e fiksuar me veshjet si fëmijë. Jam shumë e lumtur që mund të ndajë këto me ju. Jeta kalon shumë shpejt, kështu që jetoni jetën më të mirë edhe në këto kohë përpiquni dhe gjeni lumturi edhe në diçka të tillë si një fotografi!”, shkroi Rita.
View this post on Instagram
Këngëtarja me famë botërore zbuloi ditën e djeshme se surpriza më e bukur që kishte marrë për ditëlindje ishte nga të afërmit e miqtë e saj, duke përfshirë, Presidenten e Kosovës Vjosa Osmani, kryebashkiakun e Tiranës Erjon Veliaj, Era Istrefin e shumë personazhe të njohur si Shawn Mendes, Sam Smith, Liam Payne etj.
View this post on Instagram
