Fansat e Justin Bieber mund të jenë më të zjarrtët që kemi parrë ndonjëherë, por këngëtarit nuk i bën shumë përshtypje kjo. Përkundrazi e bezdis.
Nëpërmjet disa Instastory-ve ai u ka kërkuar atyre mos ta presin më para shtëpisë sepse kjo gjë e bezdis teksa e konsideron edhe mungesë respekti.
“Si e bindni veten se nuk është plotësisht e papërshtatshme dhe mosrespektuese të presësh jashtë shtëpisë sime për të gumëzhirë, për të parë dhe për të bërë fotografi ndërsa unë hyj në banesën time,” shkroi ai në Instagramin e tij më 14 tetor, vetëm disa minuta pasi fitoi Billboard Music Award për “Top Country Song” me 10,000 Hours” në bashkëpunim me Dan + Shay.
26-vjeçari shtoi në qortimin e tij, “Ky nuk është një hotel. Është shtëpia ime.”
Ylli i popit do të jetë në New York më 17 tetor për Saturday Night Live. Justin pritet të interpretojë këngë nga albumi i tij 2020, Changes, siç janë “Yummy”, “Intentions” dhe “Forever”.
Ai dhe gruaja Hailey Bieber blenë shtëpinë e tyre prej 25 milion dollarësh në Beverly Park, Los Angeles, në gusht. Ajo ka shtatë dhoma gjumi dhe 10 banjo me një total prej 11,000 metrash katrorë, duke ofruar jetën private që ai aq shumë dëshiron.
Hailey dhe Justin kohët e fundit kanë qenë jashtë vëmendjes së publikut duke qenë me pushime në Idaho, ku ata luanin golf dhe tenis.
Çifti festoi përvjetorin e tyre të dytë të martesës në shtator. Megjithëse ata u martuan në një gjykatë të NYC në 2018, dasmën e bën në Karolinën e Jugut në 2019.
