Kampionia e Xhudos në Rio 2016, Majlinda Kelmendi, është e pastër. Në një deklaratë nga Federata Ndërkombëtare e Xhudos, e publikuar të martën, theksohet se xhudistja kosovare doli e pastër pas testeve antidoping.
Majlinda Kelmendi refuzoi në muajin qershor një kontroll antidoping në Francë. Sipas shefit të ekipit kosovar të xhudos, Agron Kuka sportistja nuk pranoi të bënte kontrollin, pasi personi i paraqitur nuk ishte i autorizuar nga Agjencia Ndërkombëtare e Antidopingut.
Majlinda Kelmendi bëri historinë të dielën e kaluar duke fituar të parën medalje olimpike për Kosovën, debutuese në një aktivitet të këtij niveli. Ajo mundi në finale italianen Odette Giuffrida.
