Dj Blunt u është rikthyer sërish sulmeve të tij ndaj Ledri Vulës.
Për të gjithë ata që nuk e mbajnë mend, e gjitha nisi dy vite më parë, kur Dj Blunt shpërtheu në të shara ndaj Ledrit në një seri videosh në Instagram, ku shprehej se diss-et në këngën e tij të fundit kanë qenë pikërisht për Ledrin, të cilin e quante “k*rvë” dhe me një seri epitetesh të tjera shumë ofenduese.
Ledri nga ana tjetër deklaroi në një intervistë se ka respekt për punën e tij duke e vlerësuar si një nga Dj më të mirë, ndërkohë që shtoi: “Unë psikiatër nuk jam, nuk e di çfarë problemesh psikike mund të ketë”.
Së fundmi, kur menduam se gjërat mes tyre mund të jenë qetësuar, Dj Blunt u është rikthyer akuzave ndaj reperit, për të cilin nuk ka lënë gjë pa thënë.
Në një seri videosh në Insta Story, ai ka komentuar videon live që realizoi Ledri me Capital T ditën e djeshme për të paralajmëruar duetin e tyre në albumin e ri të Capital T, të titulluar Skulpturë.
Blunt nuk i ka kursyer ofendimet, duke e quajtur ‘Ledri viçi’, teksa vijon duke thënë se ai ka realizuar 9 albume, kurse Ledri mezi e realizoi albumin e parë.
“Ledri viçi ishte dje live me dikë tjetër, që s’ka rëndësi emri, duke i bërë qejfin njëri-tjetrit se kanë kthyer në trend realizimin e albumeve. Unë jam duke e nxjerrë albumin numër 9 babush, kurse ti mezi e nxorre 1 album pas 20 viteve karrierë, o Ledri Viçi. Mos mi merr kreditat o vlla, ngadalë se janë disa baba që kanë nxjerrë trende”,- thotë ndër të tjera Dj Blunt.
Kujtojmë se kjo deklaratë pason publikimin e albumit të Ledrit të titulluar “10/10”, të cilin reperi e publikoi gjatë pandemisë.
Deri tani autori i hitit “Prej Inati” nuk ka reaguar lidhur me sulmin e fundit të kolegut të tij, teksa po shijon suksesin e bashkëpunimit të tij të fundit me Mc Kreshën, të publikuar 2 ditë më parë.
