Pak ditë më parë Dj Sardi i habiti të gjithë me një foto romantike në bregdet me një vajzë ende të paidentifikuar!
Ai tregoi publikisht se po e kalon karantinën në bregdet, pranë dikujt që për momentin dëshiron ta mbajë sekret.
Por Dj Sardi mund ta ketë bërë edhe atë propozimin romantik, dhe për këtë foli në emisionin “Mes Yjesh” të RTV ORA.
Ai u shpreh se jeta e tij mbetet private dhe diskutimeve nuk u jep shumë rëndësi:
“Unë do flas kur të jetë momenti për të folur. Këto diskutimet për jetën private janë bërë pak të bezdisshme por nuk i jap rëndësi fare, le të bëjnë çfarë të duan”.
Por lidhja aktuale? Sardi u shpreh se ajo është serioze dhe hodhi dyshimet se edhe mund ta ketë bërë atë propozimin e famshëm!
“Është serioze. Sigurisht që jam tip romantik. Propozimet edhe mund t’i kem bërë por s’i ka marrë vesh njeri. Ato janë të jetës sime personale. Jo nuk e kam bërë (qesh)”.
Përpos kësaj ai është shprehur se ka përfunduar këngën e ekipit të Tiranes, i cili do të kthehet në himnin e kësaj skuadre.
