Para disa muajsh Rihanna prezantoi bashkëpunimin e saj me markën “Puma”. Koleksioni që solli këngëtarja ishte shumë i veçantë nga atletet te shapkat.
Risia ishte që këto shapka u shitën për një ditë dhe një nga klientët duket të ketë qenë edhe modelja Gigi Hadid. Kjo e fundit ishte pjesë e modeleve që u paraqitën në pasarelën e prezantimit të bashkëpunimit të parë të Rihanna-s me “Puma”-n.
Gigi Hadid ka një zakon të miksimit të veshjeve nga markat atletike. Modelja 21-vjeçare është parë në rrugët e Nju-Jorkut duke mbajtur veshur atletet Puma nga Rihanna, të cilat u prezantuan më 26 maj.
Hadid është një fanse e këpucëve të Rihanna-s për “Puma”-n. Ajo duket se është ndjerë mjaft rehat me shapkat e buta, pasi është parë ti veshë ato me tre lloje veshjesh të ndryshme në rrugët e Nju-Jorkut.
Shapkat kushtojnë 150 $, me një çmim të cilin mund ta përballojmë. Modeli i këtyre shapkave, ka rrëmbyer zemrën e shumë prej personazheve të famshëm madje edhe në Shqipëri.
Hadid nuk është e vetmja që i dashuron këpucët e Rihanna-s për “Puma”-n; Cara Delevingne, Lena Dunham, Sofia Richie dhe Kylie Jenner janë parë me këtë stil këpucësh.
*Shfleto galerinë
Burimi: Footwearnews
