Që në orët e para të ditës së sotme janë konfirmuar tre raste me koronavirus në qytetin e Korçës, ndërsa mediat kanë zbuluar detajet e para mbi të infektuarit.
Gazetarja Lediona Xheladinaj tha për “ABC News” se nga burime konfidencile mësohet se 33-vjeçari emri të cilit nuk bëhet i ditur, disa ditë më parë ka qenë i shtuar në spital.
“Të tre personat e prekur me koronavirus, janë paraqitur pranë Sanatoriumit me sipmtoma, si temperaturë, kollë dhë vështirësi në frymëmarrje. Dhe pasi janë bërë analizat kanë dalë pozitive. 33-vjeçari është menaxher i një lokali nate. Gjithashtu mësohet se ai ka bërë analizën e cila herën e parë rezultoi negative. Gjendja e tij është përkeqësuar dhe nga një analizë e dytë u konfirmua se ishte i prekur nga COVID-19”.
Deri tani nuk thuhet se kanë lidhje me njeri-tjetrin, apo të jenë të afërm. Personat e prekur nga koronavirusi janë transportuar me ambulanca të ndryshme në Tiranë.
Të infektuarit janë dy të moshuar, njëri prej tyre 79 vjeç ndërsa për personin tjetër e cila është një grua nuk bëhet e ditur mosha.
Por gjendja e 33-vjeçarit ka qenë tepër e rënduar sipas “ABC News”.
Madje raportohet se personi në fjalë ka pasur kontakte të shumta edhe me persona të tjerë. Edhe në datën 8 mars në ambientet e lokalit të tij është organizuar një festë.
“Tashmë ai ndodhet në Spitalin e Infektivit”, raporton gazetarja.
Teksa numri zyrtar i të infektuarve nga koronavirusi në vendin tonë ka arritur në 76 persona dhe ai i viktimave 2, qeveria ka marrë masa drastike të forta për të izoluar të gjithë qytetarët.
Prej orës 13:00 të ditës së djeshme është ndaluar qarkullimi për të gjithë qytetarët dhe automjetet.
Ky izolim do të zgjasë deri në orën 05:00 të datës 23.03.2020.
/Iconstyle.al
