Në një kohë që të gjithë (thuajse të gjithë) janë izoluar nëpër shtëpitë e tyre duke respektuar masat e ndërmarra nga qeveria për frenimin e përhapjes së koronavirusit, kryeministri Rama ka dhënë një lajm të mirë!
Në një dalje publike, ai u shpreh se nga nesër (e shtunë), të gjithë qytetarët do kenë paketa interneti 50% më të lira, deri në 5 javë.
Gjithashtu Rama theksoi se do të mund të aksesohen falas të gjitha programet educative dhe mësimore për nxënësit.
“Falë bashkëpunimit dhe mirëkuptimit është siguruar me gjithë vështirësisë kudo ku ka qënë e mundur aksesi në pikat kryesore të shitjes dhe shërbimi ndaj klientit. Teknikët do të jenë në terren për mirëmbajtjen e rrjeteve, në funksion të situatës do të jenë edhe ekipet teknike. Përmes AKEP kemi ngarkuar sipërmarrësit të ofrojnë për pajtimtarët mundësi shfrytëzimi maksimal dhe cilësor me kushte sa me të favorshme. Edhe pas testeve teknike që janë bërë dhe janë koordinuar në vendimarrje lidhur me ofertat e vlefshme nga nesër deri në fund të prillit do të ofrohet oferta me 50% internet për 5 javë. Falas do të jetë RTSH dhe çdo format edukativ. Abonentët me kontratë fikse kanë akses në platformat për fëmijë 60% më lirë”, tha Rama.
Ky vendim u mor në kuadër të masave për të ndihmuar sado pak qëndrimin brenda në shtëpi të të rinjve shqiptarë të cilët jo rrallëherë e shkelin izolimin për një xhiro jashtë.
Për këtë, Rama u bëri apel të rinjve shqiptarë që të mos dalin nga shtëpia pa arsye duke marrë shembullin e SHBA-ve ku të shtruarit ishin mes moshës 20-45 vjeç.
/Iconstyle.al
