Dy ditë para Shën Valentinit, Dafina Zeqiri ka vendosur të sjellë një këngë të re mjaft të këndshme!
Ka qenë vetë këngëtarja ajo e cila ka publikuar sot një pjesë të klipit ku shfaqet tepër në formë, sikur ka dalë nga kopertinat e revistave prestigjioze.
Dafina ka zbuluar edhe datën dhe titullin e klipit të ri që do të quhet “Merri krejt”. Në datën 12 shkurt do të kemi mundësi ta shohim të plotë klipin e ri të këngëtares, e cila është mjaft aktive në muzikë.
https://www.instagram.com/p/B8ZBQaFBqH1/?utm_source=ig_embed
Klipi i ri vjen menjëherë pas suksesit të madh që arriti me projektin “Vuj vuj vuj”, i cili numëron miliona klikime në YouTube.
Në promon e klipit të publikuar këtë të hënë, Dafina shfaqet me një look mjaft gotik, flokët e kapur bisht sipër dhe e shtrirë në një dhomë spitali.
Kënga e re vjen pas fjalëve se Dafina po jeton një romancë të bukur me DJ Geek. Këngëtarja nuk tregohet më aq e rezervuar për lidhjen e saj të re dhe ndan pas here në rrjete sociale momente me të dashurin e ri i cili i qëndron gjithnjë pranë.
