Vetëm disa javë më parë, këngëtarja Genta Ismajli bëri publike lidhjen e saj të dashurisë me biznesmenin turk Hysen Usta.
Dyshja i ka bërë gjërat serioze, pasi biznesmeni është takuar me familjen e Gentës dhe tashmë këngëtarja nuk ngurron të ndajë momente me partnerin në rrjete sociale.
Por, si mund të mungonte edhe “adeti” që e bën çdo çift shqiptar, hapja e një llogarie të përbashkët në Instagram?
Sigurisht që edhe Genta e ka bërë diçka të tillë, duke e “shqiptarizuar” partnerin e saj të huaj.
Në InstaStory, këngëtarja ka ndarë një video të biznesmenit duke i dhënë makinës, ndërsa vëmendjen na tërhoqi emri i adresës së etiketuar “ustagenta“.
“Usta & Genta” shkruhet në bio, duke lënë të kuptohet se kjo është adresa e tyre e përbashkët.
Megjithatë, adresa e tyre është private dhe duket se dyshja ka ndërmend të tregohet pak më diskrete me fotot e tyre në çift.
Epo, t’i shkojë mbarë!
