Dy netët e kaluara në Pallatin e Kongreseve” u mbajt “Festivali i RTSH-së”, ndërsa të dielën do të mbahet nata finale.
Më herët, moderatorja Alketa Vejsiu kishte lajmëruar se të ftuar specialë të festivalit do të ishin këngëtarët me famë ndërkombëtare, Mahmood, Eleni Foureira dhe Giusy Ferreri.
Mahmood performoi natën e dytë të festivalit, ndërsa Eleni dhe Giusy do të performojnë në finale.
Alketa ka ndarë në Instagram një foto nga provat me Giusy Ferrerin, mirëpo një ndjekëse i kthehet në koment:
“Pse mashtroni moj zonjë? Publikuat lajmin se do të ishte natën e dytë Giusy Ferreri dhe njerëzit blen bileta, por këngëtarja nuk u shfaq e ju nuk kërkuat minimumi as ndjesë”.
Mirëpo, Alketa e ka sqaruar ndjekësen në koment, duke treguar se të dyja këngëtaret me famë ndërkombëtare do të performojnë në finale.
“S’kemi thënë asnjëherë që do jetë natën e dytë! Eleni dhe Giusy kanë qenë gjithmonë në Natën Finale”- tregon moderatorja.
