Këngëtari Robert Berisha u kualifikua në finalen e “Festivalit të RTSH-së”, ku po konkurron me këngën e titulluar “Ajo nuk është unë”.
Në llogarinë e tij në Instagram, ai ka ndarë mbështjetjen e madhe të ndjekësve të tij, të cilët shpërndajnë këngën “Ajo nuk është unë” duke i uruar suksese këngëtarit.
Mirëpo, fansja numër 1 e Robertit është padyshim vajza e tij, Renee.
Në InstaStory, këngëtari publikoi një video të të voglës, e cila gëzohet pamasë kur sheh të atin në ekran duke kënduar.
Renee shfaqet duke pikturuar në video, mirëpo në momentin që Roberti nis të këndojë, ajo çohet menjëherë duke thërritur “Babiii”.
Padyshim, ky duhet të jetë një gjest që e ka lumturuar pamasë këngëtarin, i cili ka treguar se ka një lidhje të veçantë me vajzën e tij.
