Lorenc Hasrama ka qenë i ftuar së fundmi në emisionin “Glamour Zone”.
Në intervistë ai foli për bashkëpunimin me Olsin në “Këngën Magjike 2018”, i cili pati një sukses të madh.
Kur erdhi çështja tek pikët, Lorenci tregoi se pati një keqkuptim me Kejsi Tolën.
Ai dhe Olsi nuk i dhanë pik këngëtares në festival dhe pas kësaj, këngëtarja e hoqi Lorencin nga Instagram-i.
Këngëtari e quan këtë si një gjest 15-vjeçarësh.
“Unë personalisht nuk do ja merrja për bazë asnjë njeriu edhe nëse nuk do më jepte pikë. Në momentin kur të konsideroj mike dhe artist të mirë, nuk kam asgjë me këngën tënde, por unë nuk të të jap ty tre pikë dhe duhet ta kuptosh këtë. Duke qenë se je brenda lojës, e kupton. Ju betohem unë nuk e kam parë kush më ka dhënë dhe kush s’më ka dhënë pikë. Kur e kam kuptuar më prapa si funksionon sepse unë dhe Olsi e kemi pasur debutim të parë, jam ndier keq për dikë dhe i kam thënë: Unë s’para them më fal por ndihem sikur kam bërë gabim kundrejt teje, ti duhet ta kuptosh se si është situata dhe më thotë sa mirë që e ke kuptuar që e ke prishur muhabetin. Ky person është Kejsi Tola dhe më ka hequr edhe nga “Instagrami” dhe më duket një gjë shumë 15-vjeçarësh. Po normal e hoqa dhe unë. Nuk kam asgjë me atë, e doja fort si person dhe nuk mund t’i jepja Kejsi Tolës vetëm 5 pikë. Një nga këngët që dëgjonim më shumë në makinë unë dhe Olsi ishte kënga e saj”, shprehet Lorenc Hasrama.
